விழிப்புணர்வு உள்ளவரா? வாழ்கையில் நூற்றுக்கு நூறு வெற்றி

விழிப்புணர்வு உள்ளவரா? வாழ்கையில் நூற்றுக்கு நூறு வெற்றி 

அனுபவப் பொன்வரிகள் 

மதுரை கங்காதரன் 

விழிப்புணர்வு உள்ளவரா? 

வாழ்கையில் நூற்றுக்கு நூறு வெற்றி 

AWARENESS GIVES 100% SUCCESS

மாணவர்களே ! உங்களது வெற்றி தோல்வி என்பது நீங்கள் கொண்டிருக்கும் பழக்கவழக்கத்தைப் பொறுத்துள்ளது.

ஒவ்வொரு பழக்கவழக்கத்திறக்கும் மதிப்பெண்கள் கீழே கொடுக்கப்பட்டிருக்கின்றன. நீங்கள் எவ்வளவு மதிப்பெண்கள் எடுப்பதைப் பொறுத்து உங்களது வெற்றிக்கான சதவிகிதம். 

ஒவ்வொன்றிக்கும் பத்து மதிப்பெண்கள். நீங்கள் எவ்வளவு மதிப்பெண்கள் பெறுகிறீர்கள் எனபதைப் பார்ப்போம். இதோ...

1. நீங்கள் அதிகாலையில் எழுந்து வரும் பழக்கம் கொண்டும், மனதை ஒருமுகப்படுத்தி உங்களது பாடங்களை படிக்கின்றீர்களா? (Reading with concentration) அப்படியென்றால் உங்களுக்கு 10 மதிப்பெண்கள்.

2. படித்ததை நன்றாக புரிந்து கொண்டு அதை பலமுறை எழுதிப் பார்க்கும் 'எழுத்துப் பயிற்சி ' (Writing Practice) செய்கிறீர்களா? ஆம் என்றால் மேலும் 10 மதிப்பெண்கள்.

3. படித்ததை எழுதிப் பார்ப்பதோடு நின்றுவிடாமல் அதை 'திருப்புதல் ' (Revision) செய்கிறீர்களா? உங்களுக்கு அதிகம் 10 மதிப்பெண்கள்.

4. வீட்டில் உள்ளவர்களோடும் நண்பர்களோடும் வீண் அரட்டை அடிக்காமல், அதிகநேரம் டி.வி (TV) பார்க்காமல் இருந்தால் மீண்டும் உங்களுக்கு 10 மதிப்பெண்கள்.

5. எந்த நேரமும் 'கைபேசி '  (Mobile) வைத்துக்கொண்டு படங்களைப் (Cinema) பார்த்தும் , பாட்டு (Songs)  கேட்டும், குறுந்தகவல்களை (SMS) அனுப்பி நேரத்தை வீணாக்காமல் இருந்தால் அதற்காக 10 மதிப்பெண்கள்.

6. நண்பர்களுடன் சினிமா செல்லுதல், ஊர் சுற்றுதல், வெட்டியாக பொழுதைக் கழிக்காமல் இருந்தால் அதற்கு 10 மதிப்பெண்கள்.

7. ஆசிரியர்கள் பாடங்களை நடத்தும்போது நன்றாக கவனித்துக் கொண்டும், சந்தேகங்களை ஆசிரியர்களிடமோ அல்லது மற்றவர்களிடமோ கேட்டுத் தெரிந்துகொள்ளும் பழக்கம் இருந்தால் மேலும் உங்களுக்கு 10 மதிப்பெண்கள்.

8 படிக்கும்போது இந்த பாடத்தை இந்த நேரத்தில் படித்து முடிக்க வேண்டும் என்கிற குறிக்கோளோடு திட்டமிட்ட அட்டவணை போட்டு சரியாக செயல்படுத்தி வந்தால் மீண்டும் உங்களுக்கு 10 மதிப்பெண்கள்.

9. வெறும் படிப்பு , படிப்பு என்று நின்றுவிடாமல் கொஞ்சம் விளையாட்டு, தியானம், பொது அறிவு, நாட்டு நடப்பு, நடனம், பாட்டு போன்றவற்றில் ஆர்வம் இருந்தால் அதற்கு 10 மதிப்பெண்கள்.

10. கடைசியாக பெற்றோர்களுக்கு மதிப்பு கொடுத்தும் , ஆசிரியர்கள் மற்றும் பெரியோர்களுக்கு மரியாதை கொடுத்தும் போட்டி, பொறாமை உதறி தள்ளிவிட்டு அனைவர்களிடத்தில் அன்பாக நட்புடன் பழகிவந்தால் அதற்கும் 10 மதிப்பெண்கள்.

இதில் நீங்கள் எத்தனை மதிப்பெண்கள் பெற்றிருக்கிறீர்கள் என்பதை தெரிந்து கொண்டீர்களா?

குறிப்பு: குறைய மதிப்பெண்கள் எடுத்தவர்கள் அதிகம் எடுப்பதற்கு முயற்சி செய்யுங்கள். உங்களால் கட்டாயம் முடியும். அதேபோல் நல்ல மதிப்பெண்கள் எடுத்தவர்கள் அதை தக்கவைத்துக்கொள்ள தவறாமல் இந்த பழக்கத்தை பின்பற்றுங்கள். 

இதனால் உங்களுக்கு தன்னம்பிக்கை, விடாமுயற்சி, உந்துசக்தி மற்றும் கடின உழைப்பு கிடைக்கும். இனியென்ன உங்களுக்கு நூற்றுக்கு நூறு வெற்றி தான். வாழ்கையில் நீங்கள் மென்மேலும் வெற்றி பெற வாழ்த்துக்கள். நன்றி ! வணக்கம் !